Право и стил
Оаза на продуктивност – Дизајн на простори за адвокатска канцеларија за ефикасност и успех
Sирнете во овој правен рај создаден за продуктивност и извонредност. Во изработката на бизнис просторот за оваа адвокатска канцеларија, се обидовме да го најдеме најсовршениот пат кон создавање на околина каде што продуктивноста процветува. Секој детал беше прецизно размислен и додаден за да ја поттикне ефикасноста и поддржи издигнувањето на правниот успех.
Работната средина директно влијае на продуктивноста, резултатите и расположението. Секој ден бележи зголемување на напредок во ова поле на работа. Се поголем број компании обрнуваат внимание на својот имиџ како и на своите вработени. Важноста на оригиналниот визуелен идентитет беше препознаена и од оваа адвокатска канцеларија. Тие посакуваа околина во која ефикасноста и продуктивноста ќе ги играат главните улоги, а вработените ќе го сметаат своето работно место за безбедно и пријатно место за постигнување на своите цели.
Во суштина, идејата беше да се внесат промени и различности во работните простории. Вкупно, 102 квадратни метри ги опфаќаат канцелариските простории, вклучувајќи три посебни канцеларии, конференциска сала, кујна, тоалет и, што беше исклучително важно за нив, празни бели ѕидови што само чекаат некој да им посвети малку внимание.
Им беше потребен дизајн кој би го осветлил работниот простор и би создал пријатна околина каде што текот на работа не е прекинат на никаков начин. Покрај тоа, беше потребно да се засили и подобри организацијата на работата за целата канцеларија. Правниот тим функционира во посебни тимови кои треба визуелно да се разликуваат. Па така, со нашиот дизајн, постигнавме кружна циркулација помеѓу различни зони и обезбедивме работен простор кој што клиентот го посакуваше.
Мастер канцеларија – Каде што елеганцијата се среќава со професионализмот
За главната канцеларија, создадовме спој на елеганција и професионализам за постигнување на префинет работен простор. Во срцето на канцеларијата, позициониравме дрвени работни маси кои што зрачат со безвременски шарм. Покрај тоа, вклучивме и посебен простор за седење кој ќе овозможи клиентите да се чувствуваат пријатно, креирајќи топла и добредојдена атмосфера. Освен впечатливиот изглед кој секоја адвокатска канцеларија го заслужува, размислувавме и за функционалноста. Вклучивме софистицирани полици кои што ќе дозволат лесно складирање на документи, обезбедувајќи среден и организиран работен простор како приоритет за ефикасност.
Целиот стил се одликува со елегантен и професионален естетски израз, дополнет со присуството на стилски дрвени елементи. Се одлучивме за црни и кафеави тонови за целата канцеларија, така што безвременскиот дизајн не е компромитиран ниту во еден аспект. Чисто, средено и високо функционално, главната канцеларија претставува хармоничен спој на софистицираност и практичност во светот на бизнисот.
Дополнителни канцеларии – Подобрување на функционалноста со поделба на работниот простор во посебни единици
Бидејќи правната пракса на адвокатската канцеларија се одвива во посебни тимови, креирањето на посебни канцеларии беше неопходно. Освен главната канцеларија, креиравме две дополнителни канцеларии следејќи го истиот стил за да го подобриме практичниот аспект на работното место.
Првата вклучува две работни маси и простор за седење. Повторно, се одлучивме за дрвени елементи за да го следиме стилот на целиот деловен простор. Вклучивме црни и кафеави тонови за да го подобриме професионалниот тон на целата канцеларија. Избравме мебел од кожа за да го дополниме целиот амбиент и да ги исполниме барањата на деловниот свет.
Конференциска сала – Место за состаноци каде што идеите заземаат централна улога
За конференциската сала, се одлучивме за долга маса околу која се распоредени столови. Обезбедивме доволно простор за да може секој состанок да се одвива во комфорна околина и без прекини. Иако конференциската сала доаѓа со голем прозорец и изобилство на природна светлина, вклучивме висечко осветлување кое оди по должина на целата маса. Не заборавивме на долгите средби што обично се присутни во светот на правната пракса, па се погриживме за соодвентни осветлувачки решенија.
На централниот ѕид, вклучивме телевизор што ќе биде користен како соодветна алатка за различни видови презентации. Повторно, додадовме елементи за складирање, бидејќи секоја адвокатска канцеларија има корист од нив. Се одлучивме за црни, кафеави и сиви тонови заедно со дрвени детали за да го задржиме стилот на адвокатската канцеларија.
Адвокатски салон – Каде што правните умови се одмараат и освежуваат
Освен главните канцеларии и работни места, успеавме да вклучиме и кујна. Секоја адвокатска канцеларија заслужува место кое вработените може да го користат за паузи и освежување пред следниот предизвик. Бидејќи зборуваме за дизајн на канцеларија, го задржавме дизајнот на кујната мал и компактен, но вклучувајќи ги сите потребни елементи за функционалост.
Земајќи во предвид дека местото е дизајнирано за одмор, се одлучивме за комбинација на посветли бои, па одбравме зелена и светло сива. Работната површина на кујната ја изработивме од дрво со цел да го задржиме истиот стил како целиот деловен простор.
Современ хол – Стилски вовед во правни консултации
Клиентот посакуваше да го направиме холот стилски простор за чекање каде што клиентите ќе се чувствуваат комфорно пред средбите и состаноците. Се одлучивме за два стола заедно со мала кафе-маса и избравме исти тонови како во другите канцеларии. Иако холот е мал и едноставен, успеавме да создадеме мирна ложа каде клиентите може да чекаат за своите состаноци во мир и со стил.
Оваа адвокатска канцеларија е доказ за внимателно спојување на естетика и функционалност, создавајќи работен простор кој вклучува елеганција и професионализам. Успеавме да создадеме нешто каде секој детал е изработен и вклучен со прецизност. Просторите за соработка бараат фини амбиенти, па креиравме дизајн каде што правната ефикасност и елегантната околина се надополнуваат!
Ако се стремите да креирате функционален работен простор, ова е вашиот знак да започнете веднаш! Кога и да сте подготвени да ги истражите своите опции, чувствувајте се слободно да стапите во контакт со нас.
